ရခိုင္အေနာက္ဘက္ျခမ္းကို ဘာေၾကာင့္ AA စစ္မ်က္ႏွာဖြင့္ တိုက္သလဲ

မောင်တောမြောက်ပိုင်းမှာ စစ်တပ်နှင့် ရက္ခိုင့်တပ်တော် (AA) တို့အကြား တိုက်ပွဲများ ပြန်လည်ကာ ဆက်တိုက်ဖြစ်ပွားနေသည် / ဧရာဝတီ စစ်အာဏာသိမ်းမှု၏ အကျိုးဆက်ကြောင့် တနိုင်ငံလုံး စစ်မီးဟုန်းဟုန်း တောက်လောင်မှုများ ဖြစ်နေချိန် တည်ငြိမ်မှု အတန်အသင့် ရှိခဲ့သော ရခိုင်ပြည်နယ်မှာ ယခုအချိန်တွင် အနောက်ဘက်ခြမ်း နယ်စပ်ဒေသတလျှောက် ဗုံး ပေါက်ကွဲသံများ၊ လက်နက်ကြီး၊ လောင်ချာပစ်ခတ်သံများဖြင့် နေ့ရော ညပါ ဆူညံ ပွက်လောရိုက်လျက် ရှိသည်။ မောင်တောမြောက်ပိုင်း မြန်မာ-ဘင်္ဂလားဒေ့ရှ်နယ်စပ် ပလက်ဝမြို့နယ်၏ အနောက်မြောက်ဘက် မြန်မာ- အိန္ဒိယ နယ်စပ်တလျောက်တွင် စစ်တပ်နှင့် ရက္ခိုင့်တပ်တော် (AA) တို့အကြား ပြီးခဲ့သည့် သြဂုတ်လဆန်းပိုင်းများမှ စတင်ကာ တိုက်ပွဲများ ပြန်လည်ကာ ဆက်တိုက်ဖြစ်ပွားခဲ့သည်။ တိုက်ပွဲအတွင်း စစ်ကောင်စီတပ်မှ လက်နက်ကြီးများ ပစ်ကူပေးခြင်း၊ တိုက်လေယာဉ်များဖြင့် နေ့ရော၊ ညပါ ဗုံးကြဲ တိုက်ခိုက်ခဲ့ပြီး AA တပ်များကို ဖြတ်လေးဖြတ်ဗျူဟာဖြင့် ကားလမ်း ဖုန်းလိုင်းများ ဖြတ်တောက်ထားသလို AA တပ်ဖွဲ့ဝင်များကလည်း စစ်ကောင်စီ၏ ထောက်ပို့လမ်းကြောင်းနှင့် စစ်ကူလမ်း ကြောင်းများကို ဖြတ်တောက်ကာ စခန်းကုန်းများကို ထိုးစစ်ဆင် တိုက်ခိုက်ခဲ့သည်။ စစ်ကောင်စီစခန်းကုန်းများ ကျဆုံးခြင်း မြန်မာ-ဘင်္ဂလားဒေ့ရှ်နယ်စပ်၊ မိုင်တိုင် ၄၀ အနီးရှိ စစ်ရေး အချက်အခြာကျသော စစ်ကောင်စီ၏ အထိုင်စခန်းကုန်းအား သြဂုတ်လ ၂ ရက်နေ့ စတင်ကာ AA တပ်ဖွဲ့ဝင်များက သာလွန်အင်အားဖြင့် ဝိုင်းဝန်း ပိတ်ဆို့တိုက်ခိုက်ခဲ့ရာ သြဂုတ်လ ၃၁ ရက်နေ့တွင် AA တပ်ဖွဲ့ဝင်များက စခန်းသိမ်းပိုက်နိုင်ခဲ့ပြီး စစ်ကောင်စီတပ်သား ၁၉ ဦး သေဆုံးကာ စစ်တပ်ဘက်မှ လက်နက် အမြောက်အများလည်း ဆုံးရှုံးခဲ့သည်။ ၂၀၂၂ စက်တင်ဘာ ၁၀ ရက် စစ်ကောင်စီစစ်စခန်းတခု သိမ်းပိုက်လိုက်ကြောင်း AA ထုတ်ပြန်ထားသော မြေပုံ အလားတူ စက်တင်ဘာလ ၁၀ ရက်နေ့ မနက်ပိုင်းတွင်လည်း တပ်မမှူး ကိုယ်တိုင် စခန်းထိုင်ပြီး ကြီးကြပ်နေသော မောင်တောမြို့နယ် ကြိမ်ချောင်း နယ်ခြားစောင့်စခန်းနှင့် ၁ မိုင်ခန့်အကွာ ကြိမ်ချောင်း-ဂုပ္ပီတောင်ကျော်လမ်းရှိ စစ်ကောင်စီ အထိုင်စခန်းတခုကို AA တပ်ဖွဲ့ဝင်များက တိုက်ခိုက်ပြီး သိမ်းပိုက်နိုင်ခဲ့သည်။ အဆိုပါ ကြိမ်ချောင်း-ဂုပ္ပီကျော်လမ်းစခန်းသိမ်းတိုက်ပွဲ၌ စစ်ကောင်စီတပ်က ၁၃ ဦး သေဆုံးပြီး လက်နက်ခဲယမ်း အမြောက်အများနှင့် စစ်သုံ့ပန်း ၄ ဦး ဖမ်းဆီးရမိကြောင်းလည်း AA တပ်ဖွဲ့ဝင်များက စက်တင်ဘာလ ၁၀ ရက်နေ့က သတင်းထုတ်ပြန်သည်။ မြန်မာ-အိန္ဒိယနယ်စပ်၊ ပလက်ဝမြို့နယ်တွင်လည်း စစ်ကောင်စီတပ်နှင့် AA တို့တိုက်ပွဲ ဖြစ်ပွားခဲ့ရာ စစ်ကောင်စီတပ်က အထိုင်စခန်း ၅ ခု လက်လွတ်ဆုံးရှုံးခဲ့ရပြီး ရှေ့တန်းစခန်းတချို့ကိုလည်း တပ်ရုပ်သိမ်းမှုများ ရှိခဲ့သည်။ မြန်မာ-အိန္ဒိယနယ်စပ်၊ ပလက်ဝမြို့နယ်တွင်လည်း စစ်ကောင်စီတပ်နှင့် AA တို့တိုက်ပွဲ ဖြစ်ပွားခဲ့ရာ စစ်ကောင်စီတပ်က အထိုင်စခန်း ၅ ခု လက်လွတ်ဆုံးရှုံးခဲ့ရပြီး ရှေ့တန်းစခန်းတချို့ကိုလည်း တပ်ရုပ်သိမ်းမှုများ ရှိခဲ့သည်။ စစ်ကောင်စီ လက်လွတ်ဆုံးရှုံးခဲ့ရသည့် စခန်းကုန်းများမှာ ပလက်ဝမြို့၏ အောက်ဘက် ကုလားတန်းမြစ်ကမ်းဘေးရှိ နှာမတာ ရှေ့တန်းစခန်း၊ သူဌေးကုန်း ရှေ့တန်းစခန်း၊ သကာချောင်းထဲရှိ ရှေ့တန်းစခန်း၊ ပလက်ဝမြို့၏ အနောက်မြောက် ဘက်တွင်တည်ရှိသည့် အဘောင်သားကျေးရွာအနီးရှိ ရှေ့တန်းစခန်း၊ ကြက်ယာကိုင်း ကျေးရွာအနီးရှိ ရှေ့တန်းစခန်းတို့ တို့ဖြစ်ကြောင်း ပလက်ဝမြို့နယ်အတွင်းက ဧရာဝတီ၏ သတင်းရင်းမြစ်များထံမှ စုံစမ်းသိရှိရသည်။ ယင်းအပြင် ပလက်ဝမြို့နယ်အပိုင် မြောက်ဦးမြို့နယ်နှင့်ထိစပ်နေသော လေးမြို့ချောင်းဖျားတွင် တည်ရှိသည့် အင်အား ၁၀၀ ကျော်ရှိသည့် စစ်ကောင်စီ အထိုင်ခန်းမှာလည်း ရိက္ခာလမ်းကြောင်းများ ဖြတ်တောက်ခံရသည့်အတွက် သြဂုတ်လ ၂၅ ရက်နေ့ ညနေပိုင်းတွင် တိတ်တဆိတ် တပ်ရုပ်သိမ်းပြီး စခန်းမှ ထွက်ခွာသွားကြောင်း သံထောင် ကျေးရွာသားများက ပြောသည်။ စစ်ကောင်စီ၏ ခံစစ်ဗျူဟာနှင့် လေကြောင်းတိုက်ခိုက်မှု ရခိုင်ပြည်နယ်တွင်း တကျော့ပြန်ဖြစ်ပွားနေသော ရက္ခိုင့်တပ်တော် (AA)သည် ခံစစ်ပြောက်ကျားဗျူဟာမှ ထိုးစစ်သို့ ပြောင်းလဲ ကျင့်သုံးကာ မြန်မာ-ဘင်္ဂလားဒေ့ရှ် နယ်စပ်ရှိ စစ်ကောင်စီတပ်၏ အထိုင်စခန်းများဖြစ်သော မိုင်တိုင် ၄၀ အနီးရှိ စခန်းကုန်း၊ ဝေလာတောင် စခန်းကုန်း၊ ခမောင်းဆိပ်ဗျူဟာကုန်းနှင့် ကြိမ်ချောင်း-ဂုပ္ပီကျော်လမ်းရှိ တပ်စခန်းများကို သာ လွန်အင်အားဖြင့် ဝင်ရောက်တိုက်ခိုက်ခဲ့သလို မြန်မာ – အိန္ဒိယနယ်စပ် ပလက်ဝမြို့နယ်အထက်ပိုင်းတွင်တည်ရှိသော မြိတ်ဝ စခန်းများကိုလည်း ပိတ်ဆို့တိုက်ခိုက်ခဲ့သည်။ အထိုင်ချ ဗျူဟာ စခန်းကုန်းများအား ဝင်ရောက်တိုက်ခိုက်မှုအပေါ် စစ်ကောင်စီက စစ်သည်အင်အားများကိုဆွဲထုတ်ပြီး စစ်ကူပို့ပေးနိုင်ခြင်း မရှိတော့ဘဲ လက်နက်ကြီးများ တောက်လျှောက် ပစ်ကူပေးခြင်း၊ လေကြောင်း ဗုံးကြဲ တိုက်ခိုက်ခြင်းဖြင့်သာ စခန်းကုန်းများ မကျအောင် အသည်းအသန် ခုခံတိုက်ခိုက်နေရသည့် အခြေအနေ ဖြစ်နေကြောင်း စစ်ရေး အကဲခတ်များက ပြောသည်။ AA ခေါင်းဆောင် ထွန်းမြတ်နိုင်နှင့် AA တပ်ဖွဲ့/ဧရာဝတီ နယ်စပ်က စခန်းကုန်းများကျဆုံးသွားမှုနှင့်ပတ်သက်ပြီး အောက်ခြေ တပ်ဖွဲ့ဝင်တချို့ကမူ ရဲဘော်များ ၁ လနီးပါးအထိ ကြံ့ကြံ့ခံ တိုက်ခိုက်ခဲ့သော်လည်း စစ်ကူ မပေးနိုင်ခြင်းအပေါ် အားမလို အားမရဖြစ်ကာ အထက်လူကြီးများကို ဝေဖန် ပြစ်တင်ခဲ့ကြသည်။ “ ငါမသေ ငါစခန်းမကျစေရ”ဆိုသည့် ဆောင်ပုဒ်အတိုင်း အသက်စွန့်သွားမှုအပေါ် အလေးပြုကြောင်းကို Facebook လူမှုကွန်ရက်ပေါ်တွင် ဝမ်းနည်းမှု အထိမ်းအမှတ် အနေဖြင့် ရေးသားနေမှုများကိုလည်း တွေ့ရသည်။ စစ်ကောင်စီသည် မိတ္ထိလာ လေတပ်စခန်းမှနေ၍ MI-35၊ MIG-29 ၊ JF-17 စသည့် တိုက်လေယာဉ် အမျိုးအစားများကိုသာ အားထားပြီး ဗုံးကြဲ တိုက်ခိုက်ကာ တိုက်ပွဲ ပြင်းထန်မှုအပေါ် မူတည်ပြီး တိုက်လေယာဉ် ၃ စီးမှနေ ၅ စီးအထိသုံးသည်။ AA တပ်ဖွဲ့ဝင်များ၏ ပိတ်ဆို့ ဝိုင်းပတ်ထိုးစစ်ဆင်မှုအပေါ် စစ်ကောင်စီသည် မိတ္ထိလာ လေတပ်စခန်းမှနေ၍ MI-35၊ MIG-29 ၊ JF-17 စသည့် တိုက်လေယာဉ် အမျိုးအစားများကိုသာ အားထားပြီး တိုက်ပွဲ ပြင်းထန်မှုအပေါ် မူတည်ကာ တိုက်လေယာဉ် ၃ စီးမှနေ ၅ စီးအထိ တိုက်ပွဲဖြစ်ပွားရာ နယ်စပ်တလျောက် လာရောက်ဗုံးကြဲ တိုက်ခိုက်ခဲ့ကြောင်း ULA/AA ၏ ထိပ်ပိုင်း ခေါင်းဆောင်တဦးက ဧရာဝတီသို့ ပြောသည်။ စစ်ကောင်စီ၏ လေကြောင်းတိုက်ခိုက်မှုတွင် ဘင်္ဂလားဒေ့ရှ် နယ်နိမိတ်အတွင်းသို့ သြဂုတ်လ ၂၈ ရက်နေ့တွင် တကြိမ် လက်နက်ကြီး ကျည်ဆံကျရောက်ခြင်း၊ သြဂုတ်လ ၃၀ နှင့် စက်တင်ဘာလ ၃ ရက်နေ့တို့တွင်လည်း တိုက်လေယာဉ်များ ကျူးကျော်ဝင်ရောက်မှုကြောင့် ဘင်္ဂလားဒေ့ရှ်ဆိုင်ရာ မြန်မာသံအမတ်ကြီးအား ဘင်္ဂလားဒေ့ရှ်နိုင်ငံခြားရေး ဝန်ကြီးမှ ၃ ကြိမ်တိုင်တိုင် ဆင့်ခေါ်ပြီး ပြင်းပြင်းထန်ထန်ကန့်ကွက်ခဲ့ကြောင်း ဘင်္ဂလားဒေ့ရှ် သတင်းဌာနများက ဖော်ပြခဲ့သည်။ မောင်တောနယ်စပ်က စတင်လာသော တကျော့ပြန်တိုက်ပွဲ ရခိုင်ပြည်နယ်အတွင်း စစ်တပ်နှင့် AA တို့သည် သုံးနှစ်နီးပါး မီးကုန်ယမ်းကုန် တိုက်ခိုက်ခဲ့ကြပြီး ၂၀၂၀ ခုနှစ် နှစ်လယ်ပိုင်းတွင် ယာယီ တိုက်ပွဲများ ရပ်တန့်ထားခဲ့သည်။ ထိုသို့ တိုက်ပွဲသံများ ငြိမ်သက်နေရာမှနေ ၂၀၂၂ ခုနှစ် ဖေဖော်ဝါရီလ ၄ ရက်နေ့တွင် မောင်တော မြို့နယ်အတွင်း တကျော့ပြန်တိုက်ပွဲများ စတင်ကာ ယမ်းငွေ့များ ဖုံးလွမ်းလာခဲ့သည်။ ပလက်ဝဒေသတွင်းရှိ AA တပ်ဖွဲ့ဝင်တချို့/ဧရာဝတီ မောင်တောမြို့နယ် မြောက်ပိုင်း၊ မီးတိုက်ကျေးရွာ၏ အနောက်မြောက် လက်ပန်းတောင်ကြောတွင် AA တပ်စခန်းရှိရာသို့ စစ်ကောင်စီတပ်မှ ဝင်ရောက်ပြီး ကင်းသမား ၁ ဦးကို လက်ဦးမှု ပစ်ခတ်တိုက်ခိုက်ခဲ့ရာမှ တကျော့ပြန် ရခိုင်တိုက်ပွဲကို စတင်ခဲ့သည်ဟု ဆိုရပေမည်။ ထိုသို့ ထိတွေ့တိုက်ပွဲ ဖြစ်ပွားခဲ့ပြီးနောက် တိုက်ပွဲအတွင်းမှ ပြန်ဆုတ်လာသော ဘူးသီးတောင် အခြေစိုက် စကခ (၁၅) လက်အောက်ခံ ခမရ (၃၅၂) တပ်ရင်းအား ဖေဖော်ဝါရီလ ၇ ရက်နေ့တွင် ညနေ ၁၁ နာရီအချိန်တွင် ပက်ဝန်းချောင်း ကျေး ရွာနှင့် ငန်းချောင်းကျေးရွာအကြား AA တပ်ဖွဲ့ဝင်များက ကြားဖြတ်တိုက်ခိုက်ခဲ့ရာ ခမရ ( ၃၅၂ )တပ်ရင်းမှ ဗိုလ်မှူး မြင့်ဆွေဝင်း အပါအဝင် အရာရှိ စစ်သည် ၇ ဦး သေဆုံးခဲ့ကြောင်း စစ်ကောင်စီတပ်မှ ထွက်ပေါ်လာသော အမိန့် ပြန်တမ်း ဖတ်ကြားနေသည့် ရုပ်သံ ဗွီဒီယို မှတ်တမ်းများအရ သိရသည်။ ပြီးခဲ့သော ဇူလိုင်လ ၁၈ ရက်နေ့ကလည်း မောင်တောမြို့နယ်၊ မြဝတီကျေးရွာနှင့်တရိန်းကျေးရွာအကြား နယ်ခြားစောင့် ရဲတပ်ဖွဲ့ကြား AA ကြားဖြတ် တိုက်ခိုက်ခဲ့ရာ ရဲမှူးအဆင့် အပါအဝင် ၁၄ ဦး လက်ရ ဖမ်းဆီးခံခဲ့ရပြီး လက်နက်ခဲယမ်း မီးကျောက် အမြောက်အများလည်း သိမ်းဆည်းရမိခဲ့ကြောင်း AA က ထုတ်ပြန်ခဲ့သည်။ သြဂုတ်လ ၁၃ ရက်နေ့ကလည်း ရသေ့တောင်မြို့နယ်အတွင်းက ဒုံးပိုက်ကျေးရွာနှင့် ချိန်ခါလီကျေးရွာအကြား AA နှင့် စစ်တပ်တို့ တိုက်ပွဲဖြစ်ပွားခဲ့သလို မောင်တောမြို့နယ်အတွင်းက ကျောက်ပန်းဒူကျေးရွာအနီးနှင့် ဘင်္ဂလားဒေ့ရှ် နယ်စပ် မိုင်တိုင် ၄၀ အနီးတို့တွင် တိုက်ပွဲဖြစ်ပွားခဲ့ရာ စစ်တပ်က တပ်ရင်းမှူး အဆင့် အပါအဝင် အရာရှိ၊ စစ်သည် ၃၇ ဦးအထိ ကျဆုံးသွားခဲ့ပြီး လက်နက်ခဲယမ်း အမြောက်အများလည်း ဆုံးရှုံးခဲ့သည်။ စစ်တပ်ဘက်က ရသေ့တောင်မြို့နယ်နှင့် မောင်တောမြို့နယ်အတွင်းသို့ ဆက်သွယ်ထားသည့် အငူမော် ကားလမ်းနှင့် မောင်တောမြောက်ပိုင်းမြို့နယ်များရှိ လမ်းပန်းဆက်သွယ်ရေးများကို ဖြတ်တောက်ပြီး AA တပ်ဖွဲ့ဝင်များကို ပိတ်ဆို့ တိုက်ခိုက်ခဲ့သည်။ တိုက်ပွဲဖြစ်ပွားသည့်အချိန်တွင် စစ်တပ်ဘက်က ရသေ့တောင်မြို့နယ်နှင့် မောင်တောမြို့နယ်အတွင်းသို့ ဆက်သွယ်ထားသည့် အငူမော် ကားလမ်းနှင့် မောင်တောမြောက်ပိုင်းမြို့နယ်များရှိ လမ်းပန်းဆက်သွယ်ရေးများကို ဖြတ်တောက်ပြီး AA တပ်ဖွဲ့ဝင်များကို ပိတ်ဆို့ တိုက်ခိုက်ခဲ့သည်။ တိုက်ပွဲများ ဆက်တိုက် ပြင်းထန်မှုနှင့်အတူ နယ်စပ်ကျေးရွာများမှာလည်း မောင်တောမြို့၊ ဘူးသီးတောင်မြို့ပေါ်သို့ ထွက် ပြေးခိုလူံနေရသလို တချို့မှာလည်း ဘင်္ဂလားဒေ့ရှ်နှင့် အိန္ဒိယနိုင်ငံအတွင်းရှိ ရခိုင်ကျေးရွာများသို့ ထွက်ပြေး ခိုလူံသွား ကြောင်း သိရသည်။ လက်ရှိအချိန်တွင် စစ်ကောင်စီသည် ကျောက်တော်အခြေစိုက် စကခ( ၉)၊ ဘူးသီးတောင် အခြေစိုက် စကခ (၁၅)၊ တောင်ကုတ်အခြေစိုက် စကခ(၅) လက်အောက်ခံ တပ်ရင်းတပ်ဖွဲ့များအပြင် ပြည်မ အခြေစိုက်တပ်မ (၁၁)၊ တပ်မ (၂၂)၊ တပ်မ (၅၅)ကို ရခိုင်သို့ ပို့ဆောင်ကာ AA တပ်ဖွဲ့ဝင်များနှင့် တိုက်ခိုက်ရန် ကြိုးစားလျက် ရှိသည်။ စစ်တပ်ထံမှ AA သိမ်းပိုက်ရရှိခဲ့သော ကျည်နှင့် စစ်ပစ္စည်းများ စစ်ကောင်စီတပ်သည် ရခိုင်ပြည်နယ်အနှံ့ စစ်ကားကြီးများ၊ စစ်သင်္ဘောကြီးများအပြင် အရပ်သားများပိုင်ဆိုင်သည့် ကုန်တင်ကားများနှင့် ရေယာဉ်များကို အသုံးပြုကာ လက်နက်ခဲယမ်း အမြောက်အများကို ပို့ဆောင်ကာ စစ်အင်အား ဖြည့်တင်း နေသည့်အတွက် ရခိုင်အနောက်ဘက်ခြမ်းမှ တိုက်ပွဲများသည် ရခိုင်ပြည်နယ်ရှိ အခြားနေရာများအထိပါ ကျယ်ပြန်လာ နိုင်သည့် သဘောရှိသည်။ ထိုသို့ စစ်အင်အားများ အမြောက်အများ ဖြည့်တင်းနေသည့်အတွက် ကုန်းလမ်း၊ ရေလမ်းအား အသုံးပြု သွားလာနေသည့် ရခိုင်ပြည်သူများအနေဖြင့် စက်တင်ဘာလ ၁၅ ရက်နေ့မှ စတင်ကာ ULA/AA အုပ်ချုပ်ရေးအဖွဲ့၏ နိုင်ငံရေးမှူးရုံး၊ အုပ်ချုပ်ရေးရုံး၊ နယ်မြေရုံးများတွင် ကြိုတင် သတင်းပို့ပြီး သွားလာကြရန် ULA/AA က စက်တင်ဘာလ ၁၄ ရက်နေ့ ညနေ ပိုင်းက အရေးပေါ် ကြေငြာချက်တစောင် ထုတ်ပြန်ထားသည်။ ကုန်းလမ်း၊ ရေလမ်း အသုံးပြုပြီး သွာလာနေသည့် ခရီးသွားလာမှုအပေါ်တွင်လည်း ကန့်သတ် စစ်ဆေးမှုများ ပြုလုပ်သွားမည်ဟုလည်း ဆိုသည်။ မောင်တောနှင့် ပလက်ဝကို AA ထိန်းချုပ်ရန် ကြိုးစားနေသလား ပြီးခဲ့သော ၂၀၁၈ ခုနှစ်ဆန်းပိုင်းမှ ၂၀၂၀ ခုနှစ်အထိ ရခိုင်မြောက်ပိုင်းတွင် ဖြစ်ပွားခဲ့သော တိုက်ပွဲကာလအတွင်း မောင်တောမြို့နယ်အတွင်း ထိတွေ့တိုက်ပွဲများ မရှိသလောက်နည်းပါးခဲ့သည်။ တကျော့ပြန်တိုက်ပွဲတွင် မောင်တောမြို့နယ် အနောက်ခြမ်းနှင့် ပလက်ဝမြို့နယ်အနောက်ဘက်ခြမ်း နယ်စပ်ဒေသတလျောက်တွင် AA တပ်ဖွဲ့ဝင်များက တိုက်ပွဲဖော်ဆောင်လာမှုကလည်း စိတ်ဝင်စားစရာကောင်းနေသည်။ သို့သော်လည်း တကျော့ပြန်တိုက်ပွဲတွင် မောင်တောမြို့နယ် အနောက်ခြမ်းနှင့် ပလက်ဝမြို့နယ်အနောက်ဘက်ခြမ်း နယ်စပ်ဒေသတလျောက်တွင် AA တပ်ဖွဲ့ဝင်များက တိုက်ပွဲဖော်ဆောင်လာမှုကလည်း စိတ်ဝင်စားစရာကောင်းနေသည်။ စစ်ရေးအကဲခတ်များက လက်ရှိ တိုက်ပွဲဖြစ်ပွားနေသော ဝေလာတောင်၊ မီးတိုက်၊ ခမောင်းဆိပ်စသည့် နေရာများတွင် ယခင်တိုက်ပွဲကာလတုန်းက AA တပ်ဖွဲ့ဝင်များ လှုပ်ရှားတပ်စွဲမှုများကို မတွေ့ရဘဲ တိုက်ပွဲရပ်တန့်ထားသည့် ၂၀၂၁ ခုနှစ်လောက်တွင် တပ်စွဲနေရာယူလာခြင်းကြောင့် ဖြစ်နိုင်ကြောင်း သုံးသပ်သည်။ အာဏာသိမ်းစစ်တပ်သည် မောင်တောမြောက်ပိုင်းမှ အဆိုပါ နယ်မြေများတွင် ARSA ဝင်ရောက်လှုပ်ရားမှုနှင့် မူးယစ်ဆေးဝါး သယ်ယူရေး လမ်းကြောင်းများ ဖြစ်သည်ဆိုသည့် အကြောင်း ပြချက်ဖြင့် AA ကို ထွက်ခွာပေးရန် ကြားခံပုဂ္ဂိုလ်များမှတဆင့် တောင်းဆို ညှိနိုင်းမှုများ ရှိခဲ့သော်လည်း ပြေလည်မှု မရှိသည့်အတွက် နှစ်ဘက် စစ်ပြင်ဆင်ကာ တိုက်ပွဲ စတင်ခဲ့ကြခြင်း ဖြစ်သည်ဟု စစ်ရေးလေ့လာသူများက သုံးသပ်သည်။ ရခိုင်တကျော့ပြန်တိုက်ပွဲတွင် စိုးမိုးကုန်းများ၌ စစ်ကောင်စီတပ်သည် အခိုင်အမာ အထိုင်စခန်းထိုင်ပြီး ထိုးစစ်ကနေ ခံစစ်ဗျူဟာသို့ ရောက်ရှိသွားပြီး AA အနေဖြင့် ခုခံစစ်နည်းဗျူဟာမှ နယ်မြေ ထိန်းချုပ်သည့် စစ်နည်းဗျူဟာကို ပြောင်းလဲ ကျင့်သုံးလာသည်။ ဘင်္ဂလားဒေ့ရှ်နှင့် အိန္ဒိယနိုင်ငံဘက်ခြမ်း နယ်စပ်ဒေသများတွင် ရခိုင် တိုင်းရင်းသားကျေးရွာများ တည်ရှိ နေပြီး ပလက်ဝမြို့နယ်နှင့် မောင်တောမြို့နယ် မြန်မာဘက်ခြမ်းမှ စစ်ဘေးရှောင်ရန် ထွက်ပြေးလာသူများကိုလည်း ထိုရခိုင်ကျေးရွာများက ကူညီပံ့ပိုးနေကြသည်။ “ကျနော်ထင်တယ် စစ်ရေး၊ နိုင်ငံရေး အချက်အခြာကျတဲ့ တြိဂံဒေသလို့ခေါ်တဲ့ သုံးနိုင်ငံနယ်စပ်ဒေသကို AA အတွက် ထိန်းချုပ်နယ်မြေတခုကို ရအောင် တိုက်ခိုက်နေတာ ဖြစ် တယ်” ဟု ရခိုင်စစ်ပွဲကို တစိုက်မတ်မတ်လေ့လာနေသည့် စစ်ရေးအကဲခတ်တဦးက ဧရာဝတီသို့ ပြောသည်။ ဘင်္ဂလားဒေ့ရှ်နှင့် အိန္ဒိယနိုင်ငံဘက်ခြမ်း နယ်စပ်ဒေသများတွင် ရခိုင် တိုင်းရင်းသားကျေးရွာများ တည်ရှိ နေပြီး ပလက်ဝမြို့နယ်နှင့် မောင်တောမြို့နယ် မြန်မာဘက်ခြမ်းမှ စစ်ဘေးရှောင်ရန် ထွက်ပြေးလာသူများကိုလည်း ထိုရခိုင်ကျေးရွာများက ကူညီပံ့ပိုးနေကြသည်။ သို့အတွက် AA သည် ညီနောင်မဟာမိတ်တပ်ဖွဲ့များကဲ့သို့ လွတ်မြောက်ဒေသတခု (သို့မဟုတ်) ထိန်းချုပ်နယ်မြေနယ်တခု ရရှိရန် မြန်မာ-ဘင်္ဂလားဒေ့ရှ်-အိန္ဒိယ စသည့် သုံးနိုင်ငံနယ်စပ်ဒေသတခုဖြစ်သော မောင်တော အနောက်ဘက်ခြမ်းနှင့် ကျောက်တော်-ပလက်ဝမြို့နယ်တို့ကို ဆက်သွယ်ထားသော ကုလားတန်မြစ်အနောက်ခြမ်းတို့တခုလုံးကို စစ်ဗျူဟာခင်းကျင်းကာ တိုက်ပွဲဖော်ဆောင်နေခြင်း ဖြစ်နိုင်ပါသည်။ You may also like these stories: ပလက်ဝရှိ တဲမဝ တပ်စခန်းကို AA ဝင်တိုက် UWSA ခေါင်းဆောင်အသစ်များနှင့် AA ဒုစစ်ဦးစီးချုပ် ဘာတွေဆွေးနွေးခဲ့သလဲ မြောက်ဦးကို စစ်ကောင်စီတပ် ဓါးစာ ခံလုပ်နေဟု AA စစ်ဦးစီးချုပ်ပြော စစ်ကောင်စီကို ဖြုတ်ချရန် လူမျိုးစုံ စည်းလုံးရမည် Topics: AA, စစ်ကောင်စီ, တိုက်ပွဲ, ရခိုင် YOUR THOUGHTS … ဧရာဝတီ ... 16 September 2022ဧရာဝတီ သတင်း ယူကရိန်းစစ်ပွဲအပေါ် တရုတ် "စိုးရိမ်မှု" ရုရှားနားလည်ဟု ပူတင် ပြော ယူကရိန်း ပဋိပက္ခနှင့်ပတ်သက်သည့် တရုတ်နိုင်ငံ၏ "စိုးရိမ်မှုများ"ကို အသိအမှတ်ပြုကြောင်း ရုရှားသမ္မတ ဗလာဒီမာ ပူတင်က တရုတ်သမ္မတ ရှီကျင့်ဖျင်ကို ကြာသပတေးနေ့ပြောကြားလိုက်သည်။ 9.4k ယူကရိန်း ပဋိပက္ခနှင့်ပတ်သက်သည့် တရုတ်နိုင်ငံ၏ “စိုးရိမ်မှုများ”ကို အသိအမှတ်ပြုကြောင်း ရုရှားသမ္မတ ဗလာဒီမာ ပူတင်က တရုတ်သမ္မတ ရှီကျင့်ဖျင်ကို ကြာသပတေးနေ့ပြောကြားလိုက်ပြီး တရုတ်၏ “မျှတသော ရပ်တည်မှု”ကို လေးစားကြောင်းး ဖေါ်ပြသည်။ ထိုခေါင်းဆောင် ၂ ဦးတို့သည် ဥဇဘက်ကစ္စတန်တွင် ကျင်းပသည့် ရှန်ဟိုင်း ပူးပေါင်းဆောင်ရွက်ရေးအဖွဲ့ ထိပ်သီးအစည်းအဝေးမှ သီးခြားအစည်းအဝေးတွင် တွေ့ဆုံခြင်းဖြစ်သည်။ ထိုသို့တွေ့ဆုံခြင်းသည် မော်စကိုက ယူကရိန်းကို ဖေဖေါ်ဝါရီလတွင် ကျူးကျော်ပြီးနောက် ပထမဆုံး တွေ့ဆုံခြင်းလည်း ဖြစ်သည်။ ရှီသည် ကဇတ်စတန်သို့ သွားရောက်ပြီးနောက် ရှေးဟောင်း ပိုးလမ်းမမှ မြို့ကြီးတမြို့ဖြစ်သည့် ဆာမာခန်သို့ ဗုဒ္ဓဟူးနေ့ညတွင် ရောက်ရှိသည်။ ထို ခရီးစဉ်သည် ၂၀၂၀ ခုနှစ် အစောပိုင်းတွင် ကိုဗစ်နိုင်တင်း အပြင်းအထန်ကူးစက်ပြီးနောက်ပိုင်း ရှီ၏ ပထမဆုံး ပြည်ပခရီးဖြစ်သည်။ ရှီနှင့် ပူတင်တွေ့ဆုံဆွေးနွေခြင်းကို အားလုံးက စိတ်ဝင်တစား စောင့်ကြည့်နေသည်။ ဘေ့ဂျင်း၏ တရုတ် တနိုင်ငံတည်းမူကို မော်စကိုက ထောက်ခံကြောင်းနှင့် ထိုင်ဝမ်ရေလက်ကြားတွင် အမေရိကန် ရန်စမှုကို ဆန့်ကျင်ကြောင်း ပူတင်ကပြောသည်ဟု ကရင်မလင်နန်းတော်၏ ထုတ်ပြန်ချက်တွင် ဖေါ်ပြထားသည်။ ယူကရိန်းနှင့်ပတ်သက်ပြီး တရုတ်နိုင်ငံတွင် မေးခွန်းများ ပူပန်မှုများ ရှိနေသည်ကို နားလည်ကြောင်းနှင့် မော်စကို၏ သဘောထားကို ရှင်းပြမည်ဖြစ်ကြောင်းလည်း ပူတင်ပြောသည်။ သို့သော် တရုတ်နိုင်ငံ ဆင်ဝှာသတင်းဌာန၏ ထုတ်ပြန်ချက်တွင် ယူကရိန်းအကြောင်းကို ဖေါ်ပြထားခြင်း မရှိပေ။ “နှစ်နိုင်ငံ အဓိက အကျိုးစီးပွားများနဲ့ ပတ်သက်တဲ့ ပြဿနာတွေမှာ အပြန်အလှန် အခိုင်အမာ ထောက်ခံဖို့ တရုတ်က ရုရှားနဲ့ ပူးပေါင်းဆောင်ရွက်ဖို့ အသင့်ရှိတယ်” ဟု ရှီကပြောပြီး ကုန်သွယ်ရေး၊ စိုက်ပျိုးရေးနှင့် ဆက်သွယ်ရေး ကိစ္စများသည် လက်တွေ့ကျသည့် ပူးပေါင်းဆောင်ရွက်နိုင်သော နယ်ပယ်များဖြစ်ကြောင်း ထောက်ပြသည်ဟု ဆိုသည်။ ရှုပ်ထွေးပြောင်းလဲ ဆက်စပ်နေသော ကမ္ဘာသို့ တည်ငြိမ်မှုများ ထည့်သွင်းပေးကာ အင်အားကြီး နိုင်ငံများ၏ အခန်းကဏ္ဍမှ ပါဝင်ရန် တရုတ်သည် ရုရှားနှင့် ပူးပေါင်းဆောင်ရွက်မည်ဖြစ်ကြောင်း ရှီ ပြောသည်။ ဘေ့ဂျင်းနှင့် မော်စကိုတို့ နွေးထွေးသော ဆက်ဆံရေး ရှိကြောင်း ဆင်ဝှာက ပူတင်ကို ကိုးကားရေးသားသည်။ ရုရှနှင့် တရုတ်ကြားရှိ ဗဟိုအာရှနိုင်ငံများပြ မြေပုံ “ကမ္ဘာမှာ အပြောင်းအလဲ အများအပြားဖြစ်နေတယ်။ ဒါပေမယ့် မပြောင်းလဲတဲ့ အရာတခုက ရုရှားနဲ့တရုတ်အကြား ချစ်ကြည်မှုနဲ့ အပြန်အလှန် ယုံကြည်မှုဖြစ်တယ်” ဟု ပူတင်ပြောသည်ဟု ဖေါ်ပြထားသည်။ ” နှစ်နိုင်ငံညှိနှိုင်းဆောင်ရွက်ပြီး ကျယ်ပြန့်တဲ့ သေနင်္ဂဗျူဟာ ပူးပေါင်းဆောင်ရွက်မှုက တောင်ကြီးတတောင်လို ခိုင်မာတယ်” ဟု ပူတင်က ဆက်လက်ပြောကြားသည်ဟုလည်း ဖေါ်ပြထားသည်။ ရုရှားက ၎င်းတို့တပ်များကို ယူကရိန်းသို့ မစေလွှတ်မီ ရက်သတ္တပတ် အနည်းငယ်အလိုတွင် နှစ်နိုင်ငံဆက်ဆံရေးသည် အကန့်အသတ် မရှိကြောင်း ခေါင်းဆောင်နှစ်ဦး ပြောသည်။ ရုရှားသည် ယူကရိန်းတွင် အကြီးမားဆုံး တန်ပြန်ထိုးစစ်နှင့် ရင်ဆိုင်နေရချိန်တွင် ထိုဆက်ဆံရေးကို စမ်းသပ်မည်ဖြစ်ပြီး ပူတင်သည် ရှီထံမှ နောက်ထပ်ထောက်ခံမှုများ တောင်းခံနိုင်သည်ဆိုသည့် ခန့်မှန်းချက်များလည်း ရှိနေသည်။ တရုတ်သည် ကမ္ဘာ့နိုင်ငံအများစုနှင့်မတူဘဲ ယခုအချိန်အထိ ယူကရိန်းကို ရုရှား ကျူးကျော်မှုအား ရှုတ်ချခြင်းမရှိဘဲ အမေရိကန်နှင့် အကွဲအပြဲကို ပိုမိုနက်ရှိုင်းစေသည်။ ထိုကျူးကျော်စစ်စတင်ပြီးနောက် တရုတ်သည် အနောက်နိုင်ငံများ သပိတ်မှောက်သောကြောင့် ဈေးလျှော့ရောင်းသော ရုရှားထံမှ စွမ်းအင်များကို စံချိန်တင် တင်သွင်းသည်ဟုလည်း အမေရိကန် အတိုင်ပင်ခံလုပ်ငန်း ယူရေးရှား အုပ်စု၏ အဆိုအရ သိရသည်။ ဥဇဘက်ကစ္စတန၏ ရှေးဟောင်းမြို့ ဆမာခန်ရှိ ကျည်ဆန်ရထား ဘူတာရုံ သို့သော် ပူတင်သည် ရှီထံမှ ကုန်သွယ်ရေးနှင့် ရင်းနှီးမြှုပ်နှံမှုထက် ပိုမိုပြီး များများစားစား ရနိုင်ဖွယ် မရှိကြောင်း ယူရေးရှားအုပ်စုမှ သုတေသီ နီးလ်သောမတ်က ပြောသည်။ တရုတ်သြဇာကြီးထွားလာခြင်းအား တားဆီးရန် အမေရိကန်၏ လုပ်ဆောင်မှုများကို ထိန်းညှိရန် ရုရှားကို တရုတ်သမ္မတက အားထားသည်။ “ပိုမိုနီးကပ်လာတဲ့ တရုတ်-ရုရှားဆက်ဆံရေးဟာ ကြီးထွားနေတဲ့ တရုတ်-အမေရိကန် သေနင်္ဂဗျူဟာ အားပြိုင်မှုအပြင် အမေရိကန်ရဲ့ တရုတ်မူဝါဒနဲ့ ဒွန်တွဲထားတဲ့ ဥရောပသမဂ္ဂနဲ့ပါ အားပြိုင်မှုတွေကို မွေးဖွားပေးနေစေပါတယ်။ အဲဒါကပဲ တရုတ်ရဲ့ တိုးတက်မှု အလားအလာတွေအပေါ် ဖိအားပိုမိုကျရောက်စေပါတယ်” ဟု အထက်ပါ သုတေသီပြောကြားပြီး ရှီသည် ထိုသို့သော စီးပွားရေးရိုက်ခတ်မှုကို ရှောင်ရှားလိုမည်ဖြစ်ကြောင်း ထောက်ပြသည်။ ပူတင်နှင့် မတွေ့ဆုံမီက ရှီသည် ဥဇဘက် သမ္မတ ရှက်ဗ်ကက် မာဇီယိုယက်နှင့် ဆွေးနွေး ခဲ့ပြီး ပူးပေါင်းဆောင်ရွက်မှု တိုးချဲ့ရန် ဆုံးဖြတ်ကြသည်။ ထိုဆွေးနွေးမှုနှင့် ပတ်သက်ပြီး ဥဇဘက် သမ္မတ၏ အင်တာနက်စာမျက်နှာက ဖေါ်ပြရာတွင် မော်တော်ယာဉ် ထုတ်လုပ်ရေး၊ အစိမ်းရောင်စွမ်းအင်၊ စိုက်ပျိုးရေးနှင့် အခြေခံအဆောက်အအုံတည်ဆောက်ရေး လုပ်ငန်းများသည် ဦးစားပေးများဖြစ်ကြောင်း ဖေါ်ပြထားသလို တရုတ်၏ ဆင်းရဲနွမ်းပါးမှုတိုက်ဖျက်ရေးအတွေ့အကြုံကို လေ့လာရန် အားထုတ်မှုများကိုလည်း မီးမောင်းထိုးပြထားသည်။ နှစ်နိုင်ငံတို့သည် ဘဏ္ဍာရေးနှင့် နည်းပညာပူးပေါင်းဆောင်ရွက်ရေးအပြင် ကုန်သွယ်ရေးနှင့် ရင်းနှီးမြှုပ်နှံမှုဆိုင်ရာ ဒေါ်လာ ၁၅ ဘီလီယံတန်သော သဘောတူညီချက်များကိုလည်း လက်မှတ်ရေးထိုးကြသည်။ ရှီသည် ကဇတ်စတန်တွင် ခရီးတထောက်နားပြီး မှ ဥဇဘက်သို့ ရောက်လာခြင်းဖြစ်သည်။ ထိုသို့သွားရောက်ခြင်းကြောင့် တရုတ်သည် ရုရှား၏ နောက်ဖေးတွင် သြဇာအကြီးမားဆုံး နိုင်ငံဖြစ်လိုသည့် လက္ခဏာအဖြစ် မြင်ကြသည်။ ရှေးဟောင်းပိုးလမ်းမပေါ် တည်ရှိသော ဥဇဘက်ကစ္စတန၏ ယူနက်စကို အသိအမှတ်ပြု ရှေးဟောင်းမြို့ ဆမာခန် ကဇတ် သမ္မတ ကက်ဆင်ဂျိုမတ် တိုကာယက်ကို ရှီက ဗုဒ္ဓဟူးနေ့က ပြောကြားလိုက်သော စကားကို အမျိုးမျိုး ဖွင့်ဆိုနိုင်သော်လည်း ယူကရိန်းစစ်ပွဲ အခြေအနေကို ထင်ဟပ်နေသည်။ “နိုင်ငံတကာ အခြေအနေ ဘယ်လိုပဲပြောင်းလဲပါစေ ကဇတ်စတန်နိုင်ငံရဲ့ လွတ်လပ်ရေး၊ အချုပ်အခြာအာဏာပိုင်ဆိုင်မှုနဲ့ နယ်မြေတည်တံ့ခိုင်မြဲရေးကို ကာကွယ်ရာမှာ တရုတ်က ပြတ်ပြတ်သားသား ထောက်ခံသွားမယ်” ဟု ရှီပြောကြောင်း တိုကာယက်၏ အင်တာနက် စာမျက်နှာတွင် ဖေါ်ပြထားပြီး ကဇတ်စတန်၏ ပြည်တွင်းရေးကို ဝင်ရောက်စွက်ဖက်မှုကိုလည်း လက်မခံကြောင်း ပြောသည်ဟု ဆိုသည်။ ရှီနှင့် ပူတင်တို့ အစည်းအဝေးအပြင် ရှန်ဟိုင်းပူးပေါင်းဆောင်ရွက်ရေးအဖွဲ့ ထိပ်သီးဆွေးနွေးပွဲတွင် အိန္ဒိယဝန်ကြီးချုပ် နာရင်ဒရာမိုဒီ၊ ပါကစ္စတန် ဝန်ကြီးချုပ် ရှာဘက် ရှာရစ်နှင့် အခြားခေါင်းဆောင်အများအပြားတက်ရောက်သောကြောင့် ထိုထိပ်သီးဆွေးနွေးပွဲကိုလည်း အနီးကပ်လေ့လာစောင့်ကြည့်ကြသည်။ ၂၀၀၁ ခုနှစ်က ရှန်ဟိုင်းတွင် ဖွဲ့စည်းခဲ့သော ရှန်ဟိုင်း ပူးပေါင်းဆောင်ရွက်ရေးအဖွဲ့၏ မူလရည်ရွယ်ချက်မှာ ဗဟိုအာရှတွင် အစွန်းရောက်အတွေးအခေါ်နှင့် အကြမ်းဖက်မှု တိုက်ဖျက်ရေး ဖြစ်သည်။ နောက်ပိုင်းတွင် စီးပွားရေး ပူးပေါင်းဆောင်ရွက်ရေးနှင့် ကုလသမဂ္ဂအပါအဝင် ကမ္ဘာ့ အဖွဲ့အစည်းများနှင့် ပူးပေါင်းဆောင်ရွက်ရေးတို့ တိုးချဲ့လုပ်ကိုင်လာသည်။ သို့သော် ထိုအဖွဲ့သည် အနောက်တိုင်းဦးဆောင်သည့် စနစ်နှင့် အင်စတီကျူးရှင်းများကို စိန်ခေါ်မှုတခုအဖြစ်မြင်ကြသည်။ ကြာသပတေးနေ့တွင် အီရန်သည် ရှန်ဟိုင်း ပူးပေါင်းဆောင်ရွက်ရေးအဖွဲ့တွင် အမြဲတမ်း အဖွဲ့ဝင်ဖြစ်လာရေး နားလည်မှု စာချွန်လွှာ လက်မှတ်ရေးထိုးသည်ဟု အီရန် နိုင်ငံခြားရေးဝန်ကြီးပြောသည်။ အီရန်သည် အနောက်နိုင်ငံများနှင့် နျူကလီးယား သဘောတူညီချက် ပြန်လည်အသက်သွင်းရေး ဆွေးနွေးပွဲများ တုံ့ဆိုင်းနေပြီး နိုင်ငံတကာတွင် အထီးကျန်မှုလျှော့ချရန်နှင့် အမေရိကန် အရေးယူပိတ်ဆို့မှုများကို ခံနိုင်ရန် လုပ်ဆောင်နေစဉ် ထိုအဖွဲ့သို့ ဝင်ရောက်ရန် ကြိုးစားခြင်းဖြစ်သည်။ ကိုးကား။ ။ Nikkei Asia ၏ Putin concedes China has ‘concerns’ on Ukraine in Xi meeting