NUG နှင့် KIO ဗဟိုအစိုးရတို့ ပူးပေါင်းဖွင့်လှစ်သည့် လိုင်ဇာမြို့က ပညာရပ်စုံသင် KSCU တက္ကသိုလ်ကြီး

မဇ္ဈိမ။ ။ ကချင်လွတ်မြောက်ရေးအဖွဲ့ (KIO) ထိန်းချုပ်ရာ လိုင်ဇာမြို့တွင် အမျိုးသားညီညွတ်ရေးအစိုးရ (NUG) နှင့် KIO ဗဟိုအစိုးရတို့ပူးပေါင်း၍ Kachin State Comprehensive University (KSCU) ဟုခေါ်သည့် ကချင်ပြည်နယ် ပညာရပ်စုံသင်တက္ကသိုလ်ကြီးအား ဖွင့်လှစ်ပေးနိုင်ခဲ့ပြီ ဖြစ်သည်။ အဆိုပါ ပညာရပ်စုံသင် တက္ကသိုလ်ကြီးကို လွန်ခဲ့သော ၂၀၂၂ ခုနှစ် မေလ ၃၁ ရက်နေ့က စတင်တည်ထောင်ခဲ့ပြီးယခု စက်တင်ဘာလ ၁၂ ရက်နေ့မှ စတင်၍ သင်ကြားခြင်းများကို ပြုလုပ်လျက်ရှိသည်။ ပညာရပ်စုံသင် KSCU တက္ကသိုလ်ကြီးတွင် ကချင်ပြည်နယ်အတွင်းရှိ ယခင် ပြည်ထောင်စုအဆင့်ဆင့် ဖွဲ့စည်းတည်ထောင်ထားခဲ့သော တက္ကသိုလ် ရှစ် ခု ပါဝင်ကြောင်း တာဝန်သူများထံက စုံစမ်းသိရှိရသည်။ KSCU တက္ကသိုလ်၏ မူလပင်မအစသည် တက္ကသိုလ်ကောင်စီဝင် တက္ကသိုလ်များဖြစ်ပြီး ၂၀၂၁ ခုနှစ် ဖေဖော်ဝါရီတွင် စစ်တပ်အာဏာသိမ်းခဲ့ပြီး နောက်ပိုင်း နွေဦးတော်လှန်ရေးနှင့်အတူ တက္ကသိုလ်ကောင်စီများ အလျှိုလျှိုပေါက်ဖွားပေါ်ထွက်လာခဲ့သည်။ တက္ကသိုလ်ကောင်စီ ဆိုသည်မှာ အမျိုးသားညီညွတ်ရေးအစိုးရ (NUG) ၏ ပညာရေး ဝန်ကြီးဌာနမှ တိုက်တွန်းညွှန်ကြားချက်အရ စုပေါင်းဖွဲ့စည်းထားသော တက္ကသိုလ်များ ဖြစ်သည်။ “စစ်အာဏာရှင်ကို တော်လှန်နေပြီး နွေဦးတော်လှန်ရေးမှာ ပြည်သူလူထု ဘက်ကနေ ရပ်တည်ကာ CDM လှုပ်ရှားမှုမှာ ပါဝင်ခဲ့ကြတဲ့ ကျောင်းသားကျောင်းသူတွေနဲ့ ဆရာဆရာမတွေကို ကူညီပေးနိုင်ဖို့ရယ်၊ နောက်ထပ် ကြားကာလ ပညာရေးဆိုင်ရာလုပ်ငန်း တွေကို လုပ်ဆောင်သွားဖို့ရယ်ကို ရည်ရွယ်ပြီး တက္ကသိုလ် ကောင်စီကို စုပေါင်းဖွဲ့စည်းခဲ့ကြတာပါ။ နောက်ပိုင်းမှာတော့ တက္ကသိုလ်ကောင်စီဝင် တက္ကသိုလ် တစ်ခုခြင်းစီမှာလုပ်မယ့်အစား ပြည်နယ်တစ်ခုလုံးကိုကိုယ်စားပြုနိုင်တဲ့ အင်းအားတောင့်တင်းခိုင်မာတဲ့ တက္ကသိုလ်ကြီးကို လုပ်ဆောင်ကြမယ်ဆိုပြီး KSCU တက္ကသိုလ်ကြီးကို ဖွဲ့စည်းလိုက်တာဖြစ်ပါတယ်”ဟု KSCU ကျောင်း၏ လက်ထောက် အဓိပတိ တာဝန်ယူထားသူ ဒေါက်တာအောင်ကိုကိုလင်းက ဆိုသည်။ KSCUရဲ့ ရည်ရွယ်ချက်နဲ့ သင်ကြားပေးသော ပညာရပ်များ “ကချင်ပြည်နယ်ပညာရပ်စုံတက္ကသိုလ်က အနာဂတ် ကချင်ပြည်နယ် ဒေသအစိုးရရဲ့ လူ့စွမ်းအား အရင်းအမြစ် လိုအပ်ချက်တွေကို တိုက်ရိုက်ဖြည့်ဆည်းဖို့အတွက် တည်ထောင်ထားတာဖြစ်ပါတယ်။ ကချင်ပြည်နယ်ရဲ့ အဓိကအားကိုးအားထားရတဲ့ လူ့စွမ်းအား အရင်းအမြစ်ကြီးဖြစ်ရမယ်။ ဒါကပထမရည်မှန်းချက်ပါ။ ဒီထက်ပိုပြီး ချဲ့မယ်ဆိုရင်တော့ မြန်မာနိုင်ငံမြောက်ပိုင်းဒေသရဲ့ ပြည်သူလူထုတစ်ရပ်လုံး အားကိုး အားထားရတဲ့ တက္ကသိုလ်ကြီးတစ်ခုဖြစ်မှာပေါ့။ ဒါက ဒုတိယရည်မှန်းချက်ပါ။ တတိယအဆင့်အနေနဲ့ကတော့ လာမယ့် ၁၀ နှစ်အတွင်းမှာ အရှေ့တောင် အာရှတန်းဝင်တဲ့ တက္ကသိုလ်ကြီးတစ်ခုဖြစ်လာဖို့ဖြစ်တယ်” ဟု ပညာရပ်စုံသင် တက္ကသိုလ်ကြီးရဲ့ ရည်ရွယ်ချက်သုံးချက်ကို ကျောင်း၏ လက်ထောက်အဓိပတိ တာဝန်ယူထားသူ ဒေါက်တာအောင်ကိုကိုလင်းက ကချင်ပြည်နယ်အခြေစိုက် KNG သတင်းဌာကို ဖြေဆိုခဲ့သည်။ Comprehensive University ဆိုသည့်အတိုင်း ဝိဇ္ဇာသိပ္ပံ၊ သူနာပြုသိပ္ပံ၊ ကွန်ပျုတာသိပ္ပံနှင့် စိုက်ပျိုးသိပ္ပံ အစရှိသော ပညာရပ်စုံကို သင်ကြားပေးသွားမည် ဖြစ်တဲ့အကြောင်းကိုလည်း ဒေါက်တာ အောင်ကိုကိုလင်းက ယခုလိုပြောကြားခဲ့သည်။ “ပညာရပ်စုံတက္ကသိုလ်လို့ပြောပေမယ့် လောလောဆယ်မှာ ကျွန်တော်တို့က ဝိဇ္ဇာသိပ္ပံ ပညာရပ်ကိုပဲ စပြီးတော့ သင်ကြားပေးနိုင်သေးတယ်။ မရှေးမနှောင်းမှာပဲအခြား ပညာရပ်တွေကို သင်ကြားပေးဖို့ ပြင်ဆင်နေပါတယ်” ဟု ပြောပြသည်။ အသက်မွေးဝမ်းကျောင်း အတက်ပညာရပ်နှင့် ဆက်နွယ်နေသည့် ဘာသာရပ်များကို သင်ကြားပေးရာတွင် အသုံးပြုရန် ဓါတ်ခွဲခန်းများ၊ အလုပ်ရုံခန်းများ လိုအပ်မှုရှိနေသေး၍ ယခုကဲ့သို့ ဝိဇ္ဇာသိပ္ပံ ပညာရပ်တစ်ခုအဖြစ် သင်ကြားပေး နေခြင်းသာဖြစ်ကြောင်း စုံစမ်း သိရှိရသည်။ ဘယ်သူတွေတက်ရောက်နိုင်မှာလဲ KSCU တက္ကသိုလ်သို့ မြန်မာနိုင်ငံစာစစ်အဖွဲ့ ဟုခေါ်သည့် မြန်မာအစိုးရစစ် အထက်တန်း အောင်မြင်ပြီး သူတိုင်း တက်ရောက်နိုင်သည်။ သို့သော် စစ်တပ်အာဏာသိမ်းကာလ ၂၀၂၂ ခုနှစ် မတ်လတွင် ကျင်းပပြုလုပ်ခဲ့သည့် စစ်ကောင်စီစာမေးပွဲများမှ အောင်မြင်သူများအနေဖြင့် တက်ရောက်ခွင့်ရနိုင်မည် မဟုတ်ကြောင်း ဒေါက်တာ အောင်ကိုကိုလင်း က ဆိုသည်။ “အခြားပြည်နယ်နဲ့တိုင်းက ကျောင်းသားတွေအနေနဲ့ ၂၀၂၀ ဆယ်တန်းအောင်နဲ့ အဲ့ဒီမတိုင်ခင်က ဆယ်တန်းအောင်ဆိုရင် လက်ခံပါတယ်။ အကယ်၍ မအလ (ဗိုလ်ချုပ်မှူးကြီးမင်းအောင်လှိုင်) ရဲ့ စစ်ကောင်စီကစစ်တဲ့ စာမေးပွဲကို ဖြေမိခဲ့ရင် ကျွန်တော်တို့က လုံးဝလက်ခံမှာ မဟုတ်ပါဘူး” ဟု KSCU ကျောင်း၏လက်ထောက်အဓိပတိ ဒေါက်တာ အောင်ကိုကိုလင်းက ပြောသည်။ စစ်ကောင်စီစစ်သည့် စာမေးပွဲကို အောင်မြင်ခဲ့သည့် ကျောင်းသူ၊ကျောင်းသားများ အနေဖြင့် KSCU တက္ကသိုလ်ကြီးကို တက်ရောက်မည်ဆိုပါက KIO အစိုးရ၏ ပညာရေးဌာနကကြီးကြပ်စစ်ဆေးသော အထက်တန်းစာမေးပွဲကို ပြန်လည်ဖြေဆိုရမည် ဖြစ်သည်။ အဆိုပါ စာမေးပွဲမှရရှိသည့် ရလဒ်ကိုကြည်ပြီးမှ လက်ခံသွားမည်ဖြစ်ပြီး KIO အစိုးရ၏ ပညာရေးဌာနမှ အထက်တန်းအောင်မြင်ထားသူများ အနေဖြင့်မူ တက္ကသိုလ် အကြိုပြင်ဆင်မှုအတန်းများကို တက်ရောက်စရာမလိုဘဲ နှစ်သက်ရာပညာရပ်များကို ပထမနှစ်မှစတင်၍ တက်ရောက်နိုင်မည် ဖြစ်သည်။ စာသင်နှစ်နဲ့ သင်ကြားရေးပုံ ယခု စက်တင်ဘာလမှ နိုဝင်ဘာလအတွင်း ယခင်အဝေးသင်တက္ကသိုလ်များတွင် တက် လက်စဖြစ်သည့် ဝိဇ္ဇာအထူးပြုကျောင်းသားများဖြစ်သည့် တတိယနှစ်နှင့် စတုတ္ထနှစ် ကျောင်းသူကျောင်းသားများ၊ စတုတ္ထနှစ်နှင့် ပဉ္စမနှစ် ဥပဒေ ကျောင်းသူ ကျောင်းသား များအတွက် တန်းခွဲများကိုဖွင့်လှစ်ပေးထားကြောင်း သိရသည်။ စနစ်သစ် ပထမနှစ် အတန်းများကိုမူ ယခုလာမည့် ဒီဇင်ဘာလတွင် စတင်သင်ကြားပေးသွားမည်ဖြစ်သည်။ KSCU တက္ကသိုလ်အနေဖြင့် စာသင်ကြားရာတွင် လက်ရှိနိုင်ငံရေး အခြေအနေနှင့် စစ်ကောင်စီ၏ အင်တာနက်ထိန်းချုပ်မှုကြောင့် အင်တာနက်လိုင်း အသုံးပြုကာ အွန်လိုင်းမှ သင်ကြားသည့်စနစ်ကို လုပ်ဆောင်သွားမည်မဟုတ်ကြောင်း သိရသည်။ အချိန်သတ်မှတ်၊ နေရာသတ်မှတ်ကာ သင်ကြားသင်ယူသည့် စနစ်ဖြင့်သာ ဖွင့်လှစ်သွားမည်ဟု ဒေါက်တာအောင်ကိုကိုလင်းက ဆိုထားသည်။ “အွန်လိုင်းကို အားမထားတော့ဘူး။ အခြံအရံအနေနဲ့ပဲ သွားမယ်။ အွန်လိုင်း မသုံးတော့ တာတော့ မဟုတ်ဘူး။ ဒါပေမဲ့ အွန်လိုင်းသုံးတာသည် မြေပြင်သင်တန်းတွေကို အစားထိုးဖို့မဟုတ်ဘူး။ ပိုကောင်းအောင် အရည်အသွေးဖြည့်ဖို့” ဟု ၎င်းက ဆက်ပြောသည်။ ကချင်ပြည်နယ်တွင် ပညာသင်ယူနေကြသည့် ကျောင်းသူ၊ကျောင်းသားများသည် ပြည်နယ် အတွင်းသာမက ကချင်ပြည်နယ်နှင့် ထိစပ်ဒေသများဖြစ်သည့် စစ်ကိုင်းတိုင်း ဒေသဘက်မှ ကျောင်းသူ၊ကျောင်းသားများ ဖြစ်ကြသည်။ အဆိုပါ ဒေသများတွင် စစ်ကောင်စီက အင်တာနက် သုံးစွဲမှုကို ထိန်းချုပ်ထားသည့်အတွက် အွန်လိုင်းမှ သင်ကြား တက်ရောက်ရန် ခက်ခဲလျက်ရှိနေသည်။ ကချင်ပြည်နယ်၏ အဆင့်မြင့်တက္ကသိုလ်တစ်ခုဖြစ်သည့် ကချင်ပြည်နယ် ပညာရပ်စုံ သင်တက္ကသိုလ်ဖွင့်ပွဲကို ပြီးခဲ့သည့် ယခုလ (စက်တင်ဘာလ) ၁၂ ရက်နေ့က လိုင်ဇာ မြို့တွင် ပြုလုပ်ခဲ့သည်။ အဆိုပါ ဖွင့်ပွဲအခမ်းအနားသို့ KIO အစိုးရ၏ ကချင်အမျိုးသားပညာရေး ဦးဆောင် ကော်မတီဥက္ကဋ္ဌ ဒုတိယဗိုလ်ချုပ်ကြီး ဂွန်မော် တက်ရောက်ခဲ့သည်။ ကချင်ပြည်နယ်တွင် ယခုကဲ့သို့ အဆင့်မြင့်တက္ကသိုလ်ပေါ်ပေါက်လာခြင်းအပေါ် ဒုတိယဗိုလ်ချုပ်ကြီး ဂွန်မော်က ယခုလို မှတ်ချက်ပြု ပြောကြားသည်။ “မကြီးကျယ်သော်ငြားလည်း ကြီးမားသောခြေလှမ်းများ လျှောက်လှမ်းရန် စတင်လိုက်ခြင်း ဖြစ်တယ်” စာတည်း။ ။မောင်ကောင်း စာမူတည်းဖြတ်။ ။ အောင်ကျော်ဖြိုး #ကချင်ပြည်နယ် #လိုင်ဇာမြို့ #KIOအစိုးရ #NUG #KSCUတက္ကသိုလ်